മധ്യവേനല്‍ അവധിക്കാലത്തെ ക്ലാസിനെതിരെ ബാലാവകാശ കമ്മീഷന്‍. സര്‍ക്കാര്‍ – എയ്ഡഡ്, അണ്‍എയ്ഡഡ് സ്‌കൂളുകളില്‍ അവധിക്കാലത്ത് ക്ലാസ് നടത്തരുതെന്ന് കര്‍ശന നിര്‍ദേശം നല്‍കി. പ്രൈമറി,ഹൈസ്‌കൂള്‍, ഹയര്‍സെക്കന്‍ഡറി, വൊക്കേഷണല്‍ ഹയര്‍സെക്കന്‍ഡറി, വിദ്യാര്‍ഥികള്‍ക്ക് ഈ ഉത്തരവ് ബാധകമാണ്. നിയമ ലംഘനം നടത്തുന്ന സ്‌കൂളുകള്‍ക്കെതിരെ നടപടിയെടുക്കണമെന്നും ഉത്തരവ്.
കോടതി ഉത്തരവ് പ്രകാരം സി.ബി.എസ്.ഇ, ഐ.സി.എസ്.ഇ. സ്‌കൂളുകളില്‍ 7.30 – 10 30 വരെ ക്ലാസ് നടത്താം. ട്യൂഷന്‍ സെന്ററുകളിലും ക്ലാസുകള്‍ 7.30 മുതല്‍ 10.30 വരെ മാത്രമേ നടത്താവൂ. ഇക്കാര്യത്തിലും എതെങ്കിലും വിധത്തിലുള്ള നിയമലംഘനം നടക്കുന്നില്ലെന്ന് ഉറപ്പുവരുത്തണമെന്നും നിര്‍ദേശമുണ്ട്.
