കുമരിച്ചന്ത-തിരുവല്ലം ഭാഗത്ത് ടാറിടുന്നതിന്റെ ഭാഗമായി റിഫ്ളക്ടർ പതിപ്പിച്ച വീപ്പകൾ റോഡിന്റെ മധ്യഭാഗത്ത് നിരത്തിയിരുന്നു. എന്നാൽ ഇരുട്ടിൽ റോഡിലുണ്ടായിരുന്ന വീപ്പ കണ്ടില്ലെന്ന് സ്കൂട്ടറോടിച്ചിരുന്ന അഭിരാജ് പറഞ്ഞു. സുമയുടെ തല റോഡിൽ ഇടിച്ചാണ് പരിക്കേറ്റത്. തുടർന്ന് ഓട്ടോറിക്ഷയിൽക്കയറ്റി അമ്പലത്തറയിലെ സ്വകാര്യ ആശുപത്രിയിലെത്തിച്ചുവെങ്കിലും രക്ഷിക്കാനായില്ല. വീട്ടുവളപ്പിൽ സംസ്കാരം നടത്തി. ഭർത്താവ് എസ്. അജയൻ. അരുൺ മറ്റൊരു മകനാണ്. മരുമകൾ സാന്ദ്രാസെബാസ്റ്റ്യൻ. പൂന്തുറ പോലീസ് കേസെടുത്തു.
