കൊല്ലം: കൊല്ലം പാരിപ്പള്ളിയിൽ പൂതക്കുളം പഞ്ചായത്ത് ഓഫീസിനു സമീപം നടന്ന വാഹനാപകടത്തിൽ യുവാവിന് ദാരുണാന്ത്യം . പാരിപ്പള്ളി യുകെഎഫ് എഞ്ചിനിയറിങ് കോളേജിലെ വിദ്യാർത്ഥിയായ ഹേമന്ത് ആണ് മരിച്ചത്. ഇന്നലെ രാത്രി ഹേമന്തും സുഹൃത്തുക്കളും സഞ്ചരിച്ച കാർ വൈദ്യുതി തൂണിലും മരത്തിലും മതിലിലും ഇടിക്കുകയായിരുന്നു. വാഹനത്തിൻ്റെ മുൻഭാഗം പൂർണമായും തകർന്നു. നാട്ടുകാർ ചേർന്ന് കാറിലുണ്ടായിരുന്നവരെ ആശുപത്രിയിൽ എത്തിച്ചെങ്കിലും ഹേമന്തിനെ രക്ഷപ്പെടുത്താൻ കഴിഞ്ഞില്ല. 3 പേർ പരിക്കുകളോടെ ചികിത്സയിലാണ്.കോളജ് ഡേ കഴിഞ്ഞ് മടങ്ങുമ്പോൾ കാർ മതിലിൽ ഇടിച്ചു; വിദ്യാർഥിക്ക് ദാരുണാന്ത്യം
പാരിപ്പള്ളി യുകെഎഫ് എൻജിനീയറിങ് കോളജ് വിദ്യാർഥികൾ സഞ്ചരിച്ച കാർ മതിലിൽ ഇടിച്ചുണ്ടായ അപകടത്തിൽ ഒരു വിദ്യാർഥി മരിച്ചു. പരവൂർ കോട്ടപ്പുറം സ്വദേശി ഹേമന്ദ് (21) ആണ് മരിച്ചത്. കോളജ് ഡേ പരിപാടികൾ കഴിഞ്ഞു പരവൂരിലേക്ക് വരവേയായിരുന്നു അപകടം. പരുക്കേറ്റ 3 വിദ്യാർഥികളുടെ നില ഗുരുതരമാണ്.ഇന്നലെ രാത്രി 12.10ന് പരവൂർ - പാരിപ്പള്ളി റോഡിൽ പൂതക്കുളം പഞ്ചായത്ത് ഓഫിസിനു സമീപമായിരുന്നു അപകടം.ഇടിയുടെ ആഘാതത്തിൽ കാറിന്റെ എൻജിൻ ഊരി തെറിച്ചതായാണ് വിവരം.
