മൂന്നിടങ്ങളിലായി നടത്തിയ പരിശോധനയിൽ 40 ചാക്കുകളിലായി സൂക്ഷിച്ചിരുന്ന പുകയില ഉത്‌പന്നങ്ങളാണ് കണ്ടെടുത്തത്. അഞ്ചുലക്ഷത്തിലധികം വിലവരുന്നവയാണിതെന്ന് പോലീസ് പറഞ്ഞു. ഇവരുടെ കടകളിലെ രഹസ്യ അറകളിൽനിന്നാണ് പോലീസ് ഇവ കണ്ടെടുത്തത്.
തമിഴ്‌നാട്ടിൽനിന്ന് നാലുരൂപയ്ക്കു വാങ്ങി 50 രൂപയ്ക്കാണ് ഇവർ കച്ചവടം നടത്തുന്നത്. യുവാക്കളെയും മത്സ്യത്തൊഴിലാളികളെ യും ലക്ഷ്യമിട്ടാണ് കച്ചവടമെന്ന് പൂന്തുറ എസ്‌ഐ വി.സുനിൽ അറിയിച്ചു.
സ്കൂളുകളും മറ്റിടങ്ങളും കേന്ദ്രീകരിച്ചും ഇവർ കച്ചവടം നടത്തുന്നുണ്ടെന്ന് പോലീസ് നടത്തിയ അന്വേഷണത്തിൽ കണ്ടെത്തിയിട്ടുണ്ട്. ഇവർക്കെതിരേ കേസെടുത്തു.
