ദീപുവിനെയും കൊണ്ട് കല്ലമ്പലം എസ്എച്ച്ഒയുടെ നേതൃത്വത്തിലുള്ള പോലീസ് സംഘം ബെംഗളുരു ഇലക്ട്രോണിക് സിറ്റിയിലെ മൈലസാന്ദ്രതയിലെ ആഡംബര ഫ്ലാറ്റിൽ എത്തുകയായിരുന്നു. അവിടെ കുടുംബസമേതം താമസിച്ചിരുന്ന കോഴിക്കോട് കുറ്റ്യാടി സ്വദേശിയായ അമീറിനെ പോലീസ് അതിസാഹസികമായി ബലപ്രയോഗത്തിലൂടെ കീഴടക്കുകയായിരുന്നു. കോഴിക്കോട് കുറ്റ്യാടി, പേരാമ്പ്ര , മട്ടന്നൂർ, വയനാട് , തൊണ്ടൻനാട് എന്നീ പോലീസ് സ്റ്റേഷനുകളിൽ സമാനമായ കേസുകളിലെ പിടികിട്ടാപുള്ളിയാണ് ഇപ്പോൾ പിടിയിലായ അമീർ. ബാംഗ്ലൂരിൽ നിന്നും ഇന്നലെ കസ്റ്റഡിയിലെടുത്ത പ്രതിയുമായി പോലീസ് ഇന്ന് രാവിലെ കല്ലമ്പലത്ത് എത്തി. തുടർ നിയമനടപടികൾക്ക് ശേഷം പ്രതിയെ ഇന്ന് കോടതിയിൽ ഹാജരാക്കുമെന്ന് കല്ലമ്പലം എസ് എച്ച് ഒ. പ്രൈജു അറിയിച്ചു. പോലീസ് കസ്റ്റഡിയിലുള്ള പ്രതി ദീപുവിന്റെ കയ്യിൽ നിന്നും മയക്കുമരുന്ന് വാങ്ങി വിദ്യാർത്ഥികൾക്ക് വിൽപ്പന നടത്തുന്ന കല്ലമ്പലം സ്വദേശി ഷാൻ എന്ന യുവാവിനെ കുറിച്ചും പോലീസ് മനസ്സിലാക്കിയതിനെ തുടർന്ന് പ്രതിയെ അറസ്റ്റ് ചെയ്തു. അറസ്റ്റ് നടപടിക്രമങ്ങൾ പൂർത്തിയാക്കി ഇയാളെയും ഇന്ന് കോടതിയിൽ ഹാജരാക്കുമെന്ന് കല്ലമ്പലം പോലീസ് അറിയിച്ചു.
