സമരം ആരംഭിച്ച് 18ാം ദിവസമാണ് സര്‍ക്കാര്‍ നടപടി. അതേസമയം, കുടിശ്ശിക നല്‍കണമെന്നത് സമരക്കാരുടെ ഒരാവശ്യം മാത്രമാണ്. ഓണറേറിയം വര്‍ധിപ്പിക്കണമെന്നതാണ് പ്രധാന ആവശ്യം. എന്നാല്‍, സമരം അവസാനിപ്പിക്കില്ലെന്ന് ആശവര്‍ക്കര്‍മാര്‍ വ്യക്തമാക്കി. ജോലി ചെയ്തതിന്റെ ശമ്പളമാണ് ലഭിച്ചത്. ജനുവരി മാസത്തെ ഇന്‍സെന്റീവ് തുക ലഭിച്ചു. ഓണറേറിയം അക്കൗണ്ടുകളില്‍ എത്തിയിട്ടില്ല.നിലവില്‍ ഓണറേറിയം ലഭിച്ചത് സമരത്തിന്റെ ഒരു വിജയമായി കാണുന്നു. ഓണറേറിയം വര്‍ധിപ്പിക്കണം, പെന്‍ഷന്‍ ആനുകൂല്യം നല്‍കണം എന്നിവയാണ് പ്രധാന ആവശ്യങ്ങള്‍. ഇത് അംഗീകരിക്കുന്നത് വരെ സമരം തുടരുമെന്നും സമരക്കാര്‍ വ്യക്തമാക്കി
