കൊപ്ര കിലോയ്ക്ക് വില 173ലെത്തി. കൊട്ടത്തേങ്ങയ്ക്കാകട്ടെ ഒന്നിന് നൽകണം 24 രൂപ. ഏഴ് വർഷത്തിനിടെ ഇത്രയും വില വർദ്ധനവ് ഉണ്ടായിട്ടില്ലെന്നാണ് വ്യാപാരികൾ പറയുന്നത്.
കഴിഞ്ഞ തവണ കുറഞ്ഞ മഴ മാത്രം ലഭിച്ചതോടെ തെങ്ങ് കൃഷി പ്രതിസന്ധി നേരിട്ടതാണ് വിലവർദ്ധനവിന് പ്രധാന കാരണമെന്ന് വ്യാപാരികൾ പറയുന്നു. ഒന്നര മാസം മുമ്ബ് വരെ പൊതിച്ച തേങ്ങയ്ക്ക് 29 രൂപയും പൊതിക്കാത്ത തേങ്ങയ്ക്ക് 10 രൂപയുമായിരുന്നു നൽകേണ്ടത്.
നേരത്തെ 1,000 തേങ്ങ വരെ ലഭിച്ചിരുന്നിടത്ത് 300 എണ്ണം മാത്രമുള്ള സ്ഥിതിയായി.
*വെളിച്ചെണ്ണയും റെക്കാഡിലേക്ക്:*
തേങ്ങയുടെ വില വർദ്ധിച്ചതോടെ വെളിച്ചെണ്ണയുടെ വിലയിലും റെക്കാഡ് വർദ്ധനവുണ്ടായി. ഒരു ലിറ്റർ വെളിച്ചെണ്ണയ്ക്ക് 280 രൂപയാണ് നിലവിലെ വില. 180 രൂപയിൽ കൂടുതലൊന്നും ഒരു ലിറ്റർ വെളിച്ചെണ്ണയ്ക്ക് വില വരാറില്ലെന്ന് വ്യാപാരികൾ.
*_മൊത്ത വ്യാപാര വില_*
* പൊളിച്ച തേങ്ങ - 56 (കിലോ)
* പൊളിക്കാത്ത തേങ്ങ - 19 (ഒരെണ്ണം)
* കൊപ്ര - 173 ( കിലോ)
* കൊട്ടത്തേങ്ങ - 24 (ഒരെണ്ണം)
* വെളിച്ചെണ്ണ - 280 ( ലിറ്റർ)
