നെടുമങ്ങാട് ടൂറിസ്റ്റ് ബസ് നിയന്ത്രണം വിട്ട് മറിഞ്ഞ് അപകടം; ബസിലുണ്ടായിരുന്നത് സ്കൂള്‍ കുട്ടികള്‍

തിരുവനന്തപുരം: തിരുവനന്തപുരം ജില്ലയിലെ നെടുമങ്ങാട് ഇരിഞ്ചയത്ത് ടൂറിസ്റ്റ് ബസ് നിയന്ത്രണം വിട്ട് മറിഞ്ഞു അപകടം. വിനോദയാത്ര കഴിഞ്ഞ് തിരിച്ച് വരികയായിരുന്ന സ്കൂൾ കുട്ടികൾ ആണ് ബസിലുണ്ടായിരുന്നത്. അപകടത്തിൽ നിരവധി പേർക്ക് പരിക്കേറ്റാതായാണ് വിവരം. നാട്ടുകാരും പൊലീസും ഫയർഫോഴ്‌സും ചേർന്ന് പരിക്കേറ്റവരെ ആശുപത്രികളിലേക്ക് മാറ്റുകയാണ്. ഇരിഞ്ചയത്തിന് സമീപം ആണ് സംഭവം നടന്നത്. കൂടുതൽ വിവരങ്ങൾ അറിവായിട്ടില്ല.

നെടുമങ്ങാട്: കാട്ടാക്കട പെരുങ്കടവിളയിൽ നിന്ന് വിനോദ സഞ്ചാരത്തിന് പോയ ടൂറിസ്റ്റ് ബസ് നെടുമങ്ങാട് ഇരിഞ്ചയത്തിനടുത്ത് വളവിൽ മറിഞ്ഞ് നിരവധി പേർക്ക് പരിക്കേറ്റു. രാത്രി 10.30 ഓടെയായിരുന്നു അപകടം.ജനവാസ മേഖലയിലെ റോഡിൽ അപകടം നടന്നയുടൻ നാട്ടുകാർ രക്ഷാപ്രവർത്തനം നടത്തി. പരിക്കേറ്റവരെ നെടുമങ്ങാട് ജില്ലാ ആശുപത്രിയിലേക്കും ഗുരുതരമായി പരിക്കേറ്റവരെ തിരുവനന്തപുരം മെഡിക്കൽ കോളജ് ആശുപത്രിയിലേക്കും മാറ്റി.കാട്ടാക്കട പെരുങ്കടവിളയില്‍ നിന്ന് മൂന്നാറിലേക്ക് വിനോദയാത്ര പോയവരാണ് അപകടത്തില്‍പ്പെട്ടതെന്നാണ് വിവരം