പള്ളിക്കൽ..കാട്ടുപുതുശ്ശേരി തോളൂരിൽ കാൽ നടയാത്രികരായ ഉമ്മയെയും മകളെയും അമിതവേഗതയിൽ വന്ന കാർ ഇടിച്ചു തെറിപ്പിച്ചു. തോളൂർ പള്ളിമേടതിൽ വീട്ടിൽ സബീന ആണ് മരിച്ചത്. 39 വയസായിരുന്നു. ഒരു കല്യാണവിരുന്നിനു പോയി മടങ്ങി വരികയായിരുന്നു. വൈകുന്നേരം 6.15 നാണ് അപകടം നടന്നത്. പരിക്കേറ്റ മകൾ അൽഫിയാ (17) തിരുവനന്തപുരം മെഡിക്കൽ കോളേജിൽ ചികിത്സയിലാണ്. റോഡിന്റെ വലതു ഭാഗത്ത്‌ കൂടി നടന്നു പോവുകയായിരുന്ന ഇവരുടെ നേർക്ക് അമിത വേഗതയിൽ വന്ന കാർ ക്രോസ് ചെയ്ത് ഇടിക്കുകയായിരുന്നു എന്ന് ദൃക്‌സ്ക്ഷികൾ പറയുന്നു. അൽഫിയയുടെ നില ഗുരുതരമാണ്.അൽഫിയെ തിരുവനന്തപുരം മെഡിക്കൽ കോളേജിലേക്ക് മാറ്റി. മരണപ്പെട്ട സബീനയുടെ മൃതദേഹം പാരിപ്പള്ളി മെഡിക്കൽ കോളേജിലേക്ക് മാറ്റി. കാറിൽ രണ്ട് പേരാണ് ഉണ്ടായിരുന്നത്. റിട്ട മിലിട്ടറി ഉദ്യോഗസ്ഥനായ മടവൂർ സ്വദേശി സാബു ആണ് വാഹനം ഓടിച്ചിരുന്നത്. അശ്രദ്ധമായും അമിത വേഗതയുമാണ് അപകട കാരണം..
സബീനയുടെ കബറടക്കം പലവക്കോട് ജമാഅത്തിൽ നാളെ നടക്കും.
