നിരവധി രാഷ്ട്രീയ സിനിമ പ്രമുഖർ ആണ് പുതുവർഷ ആശംസകൾ നേർന്നത്. സോഷ്യൽമീഡിയ പേജുകളിൽ അടക്കം ആശംസകൾ പങ്കുവെച്ചു. മുഖ്യമന്ത്രി പിണറായി വിജയൻ ഏവർക്കും ഹൃദയം നിറഞ്ഞ പുതുവത്സരാശംസകൾ നേർന്നു. ആശംസകൾ നേരുന്ന വീഡിയോ പങ്കുവെച്ചാണ് ആശംസകൾ അറിയിച്ചത് . ജാതിമതവര്‍ഗ ഭേദമെന്യേ എല്ലാവരും ഒത്തൊരുമിക്കുന്നുവെന്നതാണ് പുതുവര്‍ഷ രാവിന്റെ പ്രത്യേകത. അതുതന്നെയാണ് ആ ദിവസം പകരുന്ന മഹത്തായ സന്ദേശവും. ഒറ്റക്കെട്ടായി നാളെയെ പ്രകാശപൂരിതമാക്കാനുള്ള ഊര്‍ജവും പ്രചോദനവും 2025 നല്‍കട്ടെയെന്നാണ് മുഖ്യമന്ത്രിയുടെ ആശംസ.മുന്നേറുമെന്നുറപ്പുള്ള പുതുവത്സരാശംസകൾ’ എന്നാണ് മന്ത്രി പി രാജീവ് ആശംസ വീഡിയോ പങ്കുവെച്ച് കുറിച്ചത്. മന്ത്രി എം ബി രാജേഷ്, മന്ത്രി വീണ ജോർജ് , തുടങ്ങി നിരവധിയാളുകളാണ് പുതുവർഷ ആശംസകൾ നേർന്നത് . പ്രതിപക്ഷ നേതാവ് വി ഡി സതീശൻ, കേരളാപൊലീസ്, എംവിഡി തുടങ്ങിയ നിരവധി സോഷ്യൽമീഡിയ പേജുകളിലും പുതുവർഷ ആശംസകൾ അറിയിച്ച ഫോട്ടോകൾ പങ്കുവെച്ചു.
