കഴക്കൂട്ടം ടെക്‌നോപാർക്കിന്‌ മുന്നിൽനിന്ന്‌ മെട്രോ ആരംഭിക്കണമെന്ന ആവശ്യം ഉയർന്നിട്ടുണ്ട്‌. ഇതുപ്രകാരം മെട്രോ റെയിലിന്റെ ഒന്നാം ഘട്ടം *ടെക്നോപാർക്ക് മുതൽ പുത്തരിക്കണ്ടം* വരെയാകണം. ടെക്നോപാർക്ക് -–-കാര്യവട്ടം യൂണിവേഴ്‌സിറ്റി ക്യാമ്പസ്‌ –-- ഉള്ളൂർ –-- മെഡിക്കൽ കോളേജ് –-- മുറിഞ്ഞപാലം - –-പട്ടം - –-പിഎംജി - –-നിയമസഭയ്ക്കു മുന്നിലൂടെ പാളയം - –-ബേക്കറി ജങ്‌ഷൻ–-- തമ്പാനൂർ സെൻട്രൽ ബസ് ഡിപ്പോ–- - തിരുവനന്തപുരം സെൻട്രൽ റെയിൽവേ സ്റ്റേഷൻ - –-പുത്തരിക്കണ്ടം മൈതാനം എന്നതാണ്‌ വിഭാവനം ചെയ്യുന്ന റൂട്ട്‌. നിലവിലെ ഒന്നാം ഘട്ടം അവസാനിക്കുന്നത് കിള്ളിപ്പാലത്താണ്. പാളയത്തുനിന്ന്‌ കുടപ്പനക്കുന്ന് വരെയുള്ള റൂട്ടിലേക്ക് രണ്ടാം ഘട്ടം നിർമിക്കുന്നതിന്റെ സാധ്യതകളും പരിശോധിച്ചേക്കും.
