മഴ ശക്തമാകുമെന്ന മുന്നറിയിപ്പുള്ളതിനാൽ ഇന്ന് അഞ്ച് ജില്ലകളിൽ യെല്ലോ അലേർട്ടാണ്. പത്തനംതിട്ട, ആലപ്പുഴ, എറണാകുളം, കോഴിക്കോട്, വയനാട് ജില്ലകളിൽ കേന്ദ്ര കാലാവസ്ഥ വകുപ്പ് ഇന്ന് യെല്ലോ അലേർട്ടാണ് പ്രഖ്യാപിച്ചിരിക്കുന്നത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് ഈ ജില്ലകളിൽ പ്രവചിക്കപ്പെട്ടിരിക്കുന്നത്. ഇടിമിന്നലോടുകൂടിയ മഴയ്ക്കുള്ള സാധ്യതകളാണ് ഈ ജില്ലകളിൽ പ്രവചിച്ചിരിക്കുന്നത്.വരും ദിവസങ്ങളിൽ ഒരു ജില്ലകളിലും മഴ അലേർട്ടുകൾ പ്രഖ്യാപിച്ചിട്ടില്ല. അതേസമയം, വരും ദിവസങ്ങളിൽ മഴ കനക്കാനുള്ള സാധ്യതകളാണ് നിലവിലുള്ളത്. സംസ്ഥാനത്തെ എല്ലാ ജില്ലകളിലും ഒറ്റപ്പെട്ട ശക്തമായ മഴ ലഭിക്കുന്നുണ്ട്. ഇന്നലെ ഇടിമിന്നലോട് കൂടിയ ശക്തമായ മഴ ഭൂരിഭാഗം ജില്ലകളിലും ലഭിച്ചു.വൈകുന്നേരത്തോടെയാണ് ഇടിമിന്നലോട് കൂടിയ മഴ ശക്തമാകുന്നത്. പകൽ സമയത്ത് ശക്തമായ വെയിൽ അനുഭവപ്പെടുകയും വൈകുന്നേരത്തോടെ മഴ കനക്കുകയും ചെയ്യുന്ന സാഹചര്യമാണ് എല്ലാ ജില്ലകളിലുള്ളത്. മലയോര ജില്ലകളിലും മലയോര പ്രദേശങ്ങളിലും മഴ ലഭിക്കുന്നുണ്ട്. ശക്തമായ മഴ സാധ്യതയുണ്ടെങ്കിൽ രാത്രി സമയങ്ങളിൽ മലയോര പ്രദേശങ്ങളിലേക്കുള്ള യാത്ര ശ്രദ്ധിക്കേണ്ടതുണ്ട്.
