വിക്കറ്റ് നഷ്ടമില്ലാതെ 88 റണ്‍സെന്ന നിലയിലാണ് കേരളം രണ്ടാം ദിനം ബാറ്റിങ് പുനഃരാരംഭിക്കുന്നത്. 63 റണ്‍സെടുത്ത് രോഹന്‍ കുന്നുമ്മല്‍ മടങ്ങിയതോടെ ബാബ അപരാജിത് ക്രീസിലെത്തി. തൊട്ടുപിന്നാലെ വത്സല്‍ ഗോവിന്ദിനെയും (31) കേരളത്തിന് നഷ്ടമായതോടെയാണ് സഞ്ജു ക്രീസിലെത്തിയത്.
ബംഗ്ലാദേശിനെതിരായ വെടിക്കെട്ട് സെഞ്ച്വറി നേട്ടത്തിന് പിന്നാലെ വീണ്ടും കളിക്കളത്തിലിറങ്ങിയ സഞ്ജു നേരിട്ട ആദ്യ പന്തുതന്നെ സിക്‌സടിച്ചാണ് വരവറിയിച്ചത്. തൊട്ടടുത്ത രണ്ട് പന്തുകളും ബൗണ്ടറി പായിക്കുകയും ചെയ്തു. സച്ചിന്‍- സഞ്ജു സഖ്യം തകര്‍ത്തടിച്ചുതുടങ്ങിയതിന് തൊട്ടുപിന്നാലെയാണ് മത്സരം മുടക്കി മഴയെത്തിയത്.
