നേരത്തെ തിരുച്ചിറപ്പള്ളിയില്‍ സമ്മേളന വേദി നോക്കിയിരുന്നെങ്കിലും പൊലീസ് അനുമതി നിഷേധിച്ചിരുന്നു. സെപ്റ്റംബര്‍ 5 ന് റിലീസാകാനിരിക്കുന്ന ദ ഗോട്ട് സിനിമയുടെ ജോലികള്‍ പൂര്‍ത്തിയാക്കിയ ശേഷമാകും പാര്‍ട്ടിയുടെ സമ്മേളനം സംബന്ധിച്ച കാര്യത്തില്‍ ഔദ്യോഗിക പ്രഖ്യാപനം ഉണ്ടാകുക. സെപ്റ്റംബര്‍ 12 ന് പാര്‍ട്ടി പതാക അവതരിപ്പിക്കാനുള്ള ശ്രമങ്ങളും അണിയറയില്‍ പുരോഗമിക്കുന്നുണ്ട്.
കഴിഞ്ഞ ഫെബ്രുവരിയിലായിരുന്നു വിജയ് പാര്‍ട്ടി പ്രഖ്യാപിച്ചത്. തമിഴ്നാട്ടിലെ സാമൂഹ്യ - ജനകീയ വിഷയങ്ങളിലെല്ലാം ഇടപെട്ടു പ്രവര്‍ത്തിക്കുകയാണ് വിജയുടെ തമിഴക വെട്രി കഴകം. 2026 ല്‍ നിയമസഭാ തിരഞ്ഞെടുപ്പില്‍ മത്സരിക്കുമെന്ന് വിജയ് നേരത്തെ പ്രഖ്യാപിച്ചിരുന്നു.
