നേരത്തേ തിരുവാഭരണ ഘോഷയാത്രയെ ദേവസ്വം ബോർഡ് അധികൃതർ ശരംകുത്തിയിൽ നിന്ന് സ്വീകരിച്ചാനയിച്ചു. തുടർന്ന് കൊടിമരച്ചുവട്ടിൽ ദേവസ്വം മന്ത്രി കെ രാധാകൃഷ്ണനും മറ്റ് വിശിഷ്ടാതിഥികളും സ്വീകരിച്ച് തന്ത്രിക്കും മേൽശാന്തിക്കും കൈമാറി.
തുടർന്നാണ് തിരുവാഭരണങ്ങൾ ചാർത്തി ദീപാരാധന നടന്നത്. സർവ്വാഭരണ വിഭൂഷിതനായ അയ്യപ്പൻ പ്രത്യേക ഭാവത്തിലേക്ക് മാറിയതോടെയാണ് പൊന്നമ്പലമേട്ടിൽ മകരജ്യോതിയും, മകരവിളക്കും തെളിഞ്ഞത്.
സന്നിധാനത്തും, വിവിധ സ്ഥലങ്ങളിലുമായി തമ്പടിച്ച ഭക്ത ലക്ഷങ്ങളാണ് ജ്യോതി ദർശിച്ച് ആത്മസാക്ഷാത്കാരം നേടിയത്.
