പൊതുവിദ്യാഭ്യാസ വകുപ്പിന്റെ 2022-23 സാമ്പത്തിക വർഷത്തെ പദ്ധതിയിലുൾപ്പെടുത്തിയാണ് പുതിയ ക്ലാസ് മുറികൾ നിർമിക്കുന്നത്. രണ്ട് കോടി രൂപയാണ് നിർമാണചെലവിനായി വകയിരുത്തിയിരിക്കുന്നത്.
നെടുമങ്ങാട് നിയോജകമണ്ഡലത്തിലെ 30 വിദ്യാലയങ്ങളിലെ ലൈബ്രറികളിലേക്കുള്ള പുസ്തക വിതരണവും ചടങ്ങിൽ നടന്നു. എം.എൽ.എ -എസ്.ഡി.എഫ് ഫണ്ടിൽ നിന്നും 5,50,000 രൂപ ചെലവഴിച്ചാണ് സ്കൂളുകൾക്ക് പുസ്തകങ്ങൾ വാങ്ങിയത്.
നഗരസഭാ ചെയർപേഴ്സൺ സി.എസ് ശ്രീജ അധ്യക്ഷത വഹിച്ച ചടങ്ങിൽ, വൈസ് ചെയർമാൻ എസ്.രവീന്ദ്രൻ, വിദ്യാഭ്യാസ സ്റ്റാന്റിങ് കമ്മിറ്റി ചെയർപേഴ്സൺ വസന്തകുമാരി, കൗൺസിലർമാർ, സ്കൂൾ പ്രിൻസിപ്പാൾ നീതാ നായർ, പി.ടി.എ പ്രസിഡന്റ് പി. അജയകുമാർ തുടങ്ങിയവർ പങ്കെടുത്തു.
