എന്നാലും കോച്ച് ഇവാന്‍ ഡഗ്ഔട്ടില്‍ തിരികെയെത്തുന്നു എന്നത് ടീമിന് വലിയ ഊര്‍ജം പകരും. കഴിഞ്ഞ സീസണിലെ ബെംഗളൂരുവിനെതിരായ പ്ലേ ഓഫിലാണ് ഇവാന്‍ അവസാനമായി ടീമിനൊപ്പം സ്റ്റേഡിയത്തില്‍ ഉണ്ടായിരുന്നത്. കഴിഞ്ഞ സീസണില്‍ തിളങ്ങിയ ദിമിത്രിയോ ഡയമന്റകോസിലും പുതിയ സൈനിങ്ങായ ക്വാമ പെപ്രയിലുമാണ് ബ്ലാസ്റ്റേഴ്‌സിന്റെ പ്രതീക്ഷകള്‍. നാല് മത്സരങ്ങളില്‍ നിന്ന് ഏഴ് പോയിന്റുമായി അഞ്ചാമതാണ് ബ്ലാസ്റ്റേഴ്സ്.
എഎഫ്‌സി കപ്പില്‍ മാലിദ്വീപ് ക്ലബ്ബിനെ ഗോള്‍ മഴയില്‍ മുക്കിയതിന്‍റെ ആത്മവിശ്വാസത്തിലാണ് ഒഡീഷ ഇന്ന് ഇറങ്ങുന്നത്. ഐഎസ്എല്ലില്‍ അത്യാക്രമണ ശൈലി അവതരിപ്പിച്ച സെര്‍ജിയോ ലൊബേറ എന്ന കോച്ചാണ് ഒഡീഷയുടെ കരുത്ത്. ബ്രസീല്‍ താരം ഡീഗോ മൗറീഷ്യോയാണ് ടീമിന്റെ കുന്തമുന. താരത്തിനൊപ്പം ഗോളടിക്കാരന്‍ റോയ് കൃഷ്ണയും കൂടി ചേരുമ്പോള്‍ ഒഡീഷയുടെ മുന്നേറ്റനിര കൂടുതല്‍ അപകടകരമാകും. പോയിന്റ് ടേബിളില്‍ ഏഴാം സ്ഥാനത്താണ് ഒഡീഷ എഫ്‌സി.
