ഗൂഗിള്‍ ട്രാന്‍സിസ്റ്റ് സംവിധാനമാണ് ഇതിനായി ഉപയോഗിക്കുന്നത്. 1200 സൂപ്പര്‍ക്ലാസ് ബസുകളില്‍ പകുതിയോളം ബസുകളുടെ ഷെഡ്യൂള്‍ ഗൂഗിള്‍ ട്രാന്‍സിറ്റിലേക്ക് മാറ്റിയിട്ടുണ്ട്. ബസുകളില്‍ ജിപിഎസ് ഘടിപ്പിക്കുന്നത് അന്തിമഘട്ടത്തിലാണ്.
കംപ്യൂട്ടറൈസ്ഡ് വെഹിക്കിള്‍ ട്രാക്കിങ് ആന്‍ഡ് മോണിറ്ററിങ് സിസ്റ്റത്തിനുവേണ്ടി 5105 ജിപിഎസ് മെഷീനുകള്‍ വാങ്ങിയിട്ടുണ്ട്. ഇവ സജ്ജീകരിച്ച ബസുകള്‍ ഓരോ സ്റ്റോപ്പ് പിന്നിടുമ്പോഴും വിവരം കണ്‍ട്രോള്‍ സംവിധാനത്തിലെത്തും. ഒരു റൂട്ടില്‍ ആവശ്യത്തിലധികം ബസുകള്‍ ഒരുമിച്ച് ഓടുന്നത് കണ്ടെത്താനും പുതിയ സംവിധാനത്തില്‍ കഴിയും. ഇത് യാത്ര എളുപ്പമാക്കാൻ സഹായിക്കും.
സിറ്റി സര്‍ക്കുലര്‍, ബൈപ്പാസ് റെഡറുകള്‍ എന്നിവ ഇതിലേക്ക് എത്തിയിട്ടുണ്ട്. മൊബൈല്‍ ആപ്പായ കെഎസ്ആര്‍ടിസി നിയോയില്‍ സിറ്റി സര്‍ക്കുലര്‍ ബസുകളുടെ തത്സമയ യാത്രാവിവരങ്ങള്‍ ലഭിക്കുന്നതാണ്. ഭാവിയില്‍ ദീര്‍ഘദൂര ബസുകളും ഇതേ രീതിയില്‍ മൊബൈല്‍ ആപ്പിലേക്ക് എത്തും.
