കുംഭമേള നടന്നു. രാവിലെ അഞ്ചിന് പർണശാലയിൽ സന്ന്യാസ സംഘത്തിന്റെയും
നിയുക്തരായവരുടെയും നേതൃത്വത്തിൽ പ്രത്യേക പുഷ്പാഞ്ജലി നടന്നു. സന്ന്യാസ
സംഘത്തിന്റെ നേതൃത്വത്തിൽ പുഷ്പ സമർപ്പണം, ഗുരുപാദ വന്ദനം, പ്രസാദ വിതരണം
എന്നിവയും ഉച്ചയ്ക്ക് 12-ന് ആരാധനക്ക് ശേഷം ഗുരുപൂജയും ഗുരുദർശനവും വിവിധ
സമർപ്പണങ്ങളും നടന്നു.
പ്രാർഥനാ ചടങ്ങുകൾക്ക് ആശ്രമം പ്രസിഡന്റ് സ്വാമി ചൈതന്യ ജ്ഞാന തപസ്വി, ജനറൽ
സെക്രട്ടറി സ്വാമി ഗുരുരത്നം ജ്ഞാന തപസ്വി എന്നിവർ നേതൃത്വം നൽകി.
വൈകീട്ട് ആറുമണിയോടുകൂടി കുംഭമേള ഘോഷയാത്ര നടന്നു. 11 ദിവസത്തെ
വ്രതാനുഷ്ഠാനങ്ങളോടെയാണ് കുംഭം എടുക്കുന്നത്. കുംഭമേളയോടുകൂടി
തൊണ്ണൂറ്റിയേഴാമത് നവപൂജിതം ആഘോഷങ്ങൾക്കും സമാപനമായി.
