മഹാത്മഗാന്ധിയുടെ 154-ാം ജന്മദിനത്തോടനുബന്ധിച്ച് കേരള ഖാദി ഗ്രാമ വ്യവസായ ബോര്‍ഡ് ഹൈ സ്‌കൂള്‍, ഹയര്‍ സെക്കന്ററി വിദ്യാര്‍ത്ഥികള്‍ക്കായി ജില്ലാതല ക്വിസ്സ് മത്സരം സംഘടിപ്പിക്കുന്നു. ഒക്ടോബര്‍ മൂന്നാം തീയതി രാവിലെ 10ന് തിരുവനന്തപുരം അയ്യന്‍കാളി മെമ്മോറിയല്‍ ഹാളിലാണ് മത്സരം . ഒരു സ്‌കൂളില്‍ നിന്നും എട്ടാം ക്ലാസ്സ് മുതല്‍ പന്ത്രണ്ടാം ക്ലാസ്സ് വരെയുള്ള രണ്ട് വിദ്യാര്‍ത്ഥികള്‍ക്ക് മത്സരത്തില്‍ പങ്കെടുക്കാം. ഈ മത്സരത്തില്‍ ഒന്നും രണ്ടും സ്ഥാനം ലഭിക്കുന്ന വിദ്യാര്‍ത്ഥികള്‍ക്ക് സംസ്ഥാനതല മത്സരത്തില്‍ പങ്കെടുക്കാന്‍ അവസരം ലഭിക്കും. മത്സരത്തില്‍ പങ്കെടുക്കാനായി താല്പര്യമുള്ള വിദ്യാര്‍ത്ഥികളുടെ പേര്, ക്ലാസ്സ്, ഫോണ്‍ നമ്പര്‍ എന്നിവ സെപ്റ്റംബര്‍ 26 ന് മുന്‍പായി തിരുവന്തപുരം പ്രോജക്റ്റ് ഓഫീസറുടെ potvm@kkvib.com എന്ന മെയില്‍ ഐഡിയിലേക്ക് അയക്കണം. കൂടുതല്‍ വിവരങ്ങള്‍ക്ക് ഫോണ്‍: 0471-2472896, 9947110389.
#gandhi #gandhijayanti #october2 #quizcompetition
