ശിവഗിരി: ശ്രീനാരായണ ഗുരുദേവന്‍റെ അനന്തരഗാമിയായി വാഴിക്കപ്പെട്ട ദിവ്യശ്രീ ബോധാനന്ദ സ്വാമികളുടെ 96-ാമത് സമാധി ദിനമായ നാളെ (26-9-2023) പുലര്‍ച്ചെ സമാധി സമയം 3.30 ന് സമാധി പീഠത്തില്‍ വിശേഷാല്‍ പൂജകളും ആരാധനയും ഉണ്ടായിരിക്കും. പത്തിന് ധര്‍മ്മസംഘം ട്രസ്റ്റ് ജനറല്‍ സെക്രട്ടറി ശ്രീമത് ശുഭാംഗാനന്ദ സ്വാമിയുടെ അധ്യക്ഷതയില്‍ ചേരുന്ന സ്മൃതി സമ്മേളനത്തില്‍ ധര്‍മ്മസംഘം പ്രസിഡന്‍റ് ബ്രഹ്മശ്രീ സച്ചിദാനന്ദ സ്വാമികള്‍ സ്മൃതി പ്രഭാഷണം നടത്തും. ധര്‍മ്മസംഘം ട്രഷറര്‍ ശ്രീമത് ശാരദാനന്ദ സ്വാമികള്‍, ബോര്‍ഡ് അംഗങ്ങളായ ശ്രീമത് ബോധിതീര്‍ത്ഥ സ്വാമികള്‍, ശ്രീമത് വിശാലാനന്ദ സ്വാമികള്‍, ഗുരുധര്‍മ്മപ്രചരണസഭാ സെക്രട്ടറി ശ്രീമത് അസംഗാനന്ദഗിരി സ്വാമികള്‍ എന്നിവര്‍ പ്രസംഗിക്കും.
