തിരുവനന്തപുരം റൂറലില്‍ നിന്ന് മാത്രം എട്ട് പേരാണ് അറസ്റ്റിലായത്. തിരുവനന്തപുരം നഗരത്തില്‍ 21 പേര്‍ പിടിയിലായി. 22 കേസുകള്‍ രജിസ്റ്റര്‍ ചെയ്തു. പരിശോധനക്കിടെ പൊലീസിനെ ആക്രമിക്കാന്‍ ശ്രമിച്ച ഒരാളേയും അറസ്റ്റ് ചെയ്തു. രാവിലെ ആരംഭിച്ച പരിശോധന ഇപ്പോഴും തുടരുകയാണ്.
അതേസമയം ഏറ്റവും കൂടുതല്‍ പേര്‍ അറസ്റ്റിലായത് കൊച്ചിയിലാണ്. 61 പേര്‍ അറസ്റ്റിലായി. കോഴിക്കോട് ഉള്ള്യേരിയില്‍ 65 ഗ്രാം എംഡിഎംഎയുമായി യുവാവ് പിടിയിലായി. 23 കാരനായ മുഷ്താഖ് അന്‍വറിനെയാണ് അത്തോളി പൊലീസ് അറസ്റ്റ് ചെയ്തത്. മയക്കുമരുന്നു വിതരണ സംഘത്തിലെ കണ്ണിയാണ് അന്‍വറെന്ന് സംശയിക്കുന്നതായി പൊലീസ് പറഞ്ഞു. കൊയിലാണ്ടി സ്റ്റേഷനില്‍ അന്‍വറിന്റെ പേരില്‍ മറ്റൊരു കേസ് കൂടി രജിസ്റ്റര്‍ ചെയ്തിട്ടുണ്ട്.
