കെട്ടിത്തിന് മുന്നില്‍ പാര്‍ക്ക് ചെയ്തിരുന്ന വാഹനങ്ങളിലേക്കും തീ പടരുകയായിരുന്നു. ആര്‍ക്കും പരിക്കേറ്റതായി റിപ്പോര്‍ട്ടുകളില്ല. ഫ്‌ളാറ്റുകളില്‍ ഉണ്ടായിരുന്ന സാധനങ്ങള്‍ മുഴുവന്‍ കത്തി നശിച്ചു. അജ്മാന്‍ പൊലീസും സിവില്‍ ഡിഫന്‍സ് വിഭാഗവും ചേര്‍ന്ന് തീ നിയന്ത്രണ വിധേയമാക്കി.
കെട്ടിടത്തിലെ താമസക്കാരെയെല്ലാം വേഗത്തില്‍ ഒഴിപ്പിക്കാനായതിനാല്‍ വന്‍ ദുരന്തമാണ് ഒഴിവായത്. തീപിടിത്തം ഉണ്ടാകാനുള്ള കാരണം അന്വേഷിച്ചു വരികയാണെന്ന് അജ്മാന്‍ പൊലീസ് അറിയിച്ചു. തീ പിടിത്തത്തിന്റെ ദൃശ്യങ്ങള്‍ അജ്മാന്‍ പൊലീസ് സമൂഹ മാധ്യമത്തിലൂടെ പങ്കുവച്ചു.
