ഒരു ഭക്തനെ സംബന്ധിച്ച് ദൈവത്തിന്‍റെ പ്രത്യക്ഷ സ്വരൂപമാണ് പ്രതിഷ്ഠാമൂര്‍ത്തികള്‍. ഈ മൂര്‍ത്തികളെ ആരാധിച്ച് മനമലരും വനമലരും കൊയ്ത് മായ മാറി ഈശ്വരനെ പ്രാപിക്കാമെന്ന് ഗുരുദേവന്‍ ആത്മോപദേശശതകത്തില്‍ പറയുന്നുണ്ട്. ഗുരുദര്‍ശനത്തെ ശാസ്ത്രീയമായും യുക്തിഭദ്രമായും പഠിച്ചാല്‍ ദേവീദേവ മൂര്‍ത്തികളേയും അതുവഴിയുള്ള ഈശ്വരാരാധനയേയും ശരിയായി പഠിക്കാന്‍ കഴിയും. ചതയപൂജയുടെ ഭാഗമായി ശാന്തിഹോമം, വിശേഷാല്‍ ഗുരുപൂജ, ശ്രീനാരായണദിവ്യസത്സംഗം, അന്നദാനം എന്നീ ചടങ്ങുകളും നടന്നു. ചിങ്ങം 1 മുതല്‍ കന്നി 9 വരെ ശ്രീനാരായണ മാസാചരണവും ധര്‍മ്മചര്യായജ്ഞവും പ്രഭാഷണങ്ങളും ഗുരുധര്‍മ്മ പ്രചരണാര്‍ത്ഥം ദേശമൊട്ടാകെ നടത്തുമെന്നും സച്ചിദാനന്ദ സ്വാമി അറിയിച്ചു.
