ചെക്ക് ഇൻ ബാഗേജിന്റെ എക്സ്റേ പരിശോധനക്കിടെയായിരുന്നു പുതിയ മിക്സി കസ്റ്റംസിന്റെ ശ്രദ്ധയിൽപെട്ടത്. നാട്ടിൽ വന്ന് വാങ്ങാൻ സമയമില്ലാത്തതിനാൽ കൊണ്ടുവന്നതാണെന്നാണ് ഇയാൾ പറഞ്ഞത്. സീൽ പൊട്ടിക്കാത്ത മിക്സിയാണെന്നും വേഗം പരിശോധിച്ച് തിരിച്ചുതരണമെന്നും ഇയാൾ കസ്റ്റംസിനോട് ആവശ്യപ്പെട്ടു. എന്നാൽ മിക്സി വിട്ടുനൽകാൻ ഉദ്യോഗസ്ഥർ തയ്യാറായില്ല.
മുഹമ്മദിനെ അന്ന് പറഞ്ഞുവിട്ട കസ്റ്റംസ്, പരിശോധനക്ക് ശേഷം മിക്സി നൽകാമെന്ന് അറിയിച്ചു. പിന്നീട് മിക്സി പരിശോധിച്ചപ്പോഴാണ് സ്വർണം കണ്ടെത്തിയത്. മിക്സിയുടെ മോട്ടറിൽ ചുറ്റിയിരുന്നത് ചെമ്പ് പൂശിയ സ്വർണക്കമ്പികളായിരുന്നു. 423 ഗ്രാം സ്വർണമാണ് മിക്സിക്കുള്ളിൽ നിന്ന് ലഭിച്ചത്.
