കമ്മറ്റി അംഗങ്ങളായി ലാൽ , ലെന, വിജയ് ബാബു, രചന നാരയണൻകുട്ടി, മഞ്ജുപിള്ള , സുധീർ കരമന, ഹണി റോസ് , ടിനിടോം, ടോവിനോ തോമസ്, ഉണ്ണി മുകുന്ദൻ ,ബാബുരാജ്, എന്നീ നടി നടൻമ്മാരും പ്രവർത്തിക്കുന്നു. മുതിർന്ന താരങ്ങളായ മമ്മൂട്ടി, സുരേഷ് ഗോപി , എന്നിവരും സംഘടനക്ക് വേണ്ടി സഹകരിച്ച് വരുന്നു. നമ്മെ വിട്ടു പിരിഞ്ഞ ഇന്നസെന്റ്, മാമ്മുക്കോയ, എന്നിവരെ ഓരോ താരങ്ങളും അവരുടെ ഓർമ്മകൾ പങ്കുവെച്ചു. അമ്മയിൽ അവശത അനുഭവിക്കുന്ന നൂറിൽ കൂടുതൽ വരുന്ന അംഗങ്ങൾക്ക് എല്ലാ മാസവും കൈനീട്ട സഹായവും , ആരോഗ്യ, അപകട ഇൻഷുറൻസും നൽകി വരുന്നു. പ്രളയ സമയത്തും, കോ വിഡ് മഹാമാരിയുടെ സമയത്തും അമ്മ സംഘടന ധാരാളം സഹായങ്ങൾ സമൂഹത്തിന് വേണ്ടി ചെയ്തിരിന്നു. അമ്മയിലെ അംഗങ്ങളെ അണിനിരത്തി ദിലീപ് നിർമ്മിച്ച് ജോഷി സംവിധാനം ചെയ്ത ട്വിന്റി 20 എന്ന ചിത്രം 2008 ൽ ആയിരിന്നു റിലീസിന് എത്തിയത്. പിന്നീട് കേരളത്തും , പുറത്തുമായി ധാരാളം സ്‌റ്റേജ് ഷോകളും അമ്മ സംഘടിപ്പിച്ചിരിന്നു. അംഗങ്ങളുടെ ക്ഷേമ പ്രവർത്തനങ്ങൾക്ക് ഫണ്ട് കണ്ടെത്തുന്നതിനായി സൂപ്പർ താരങ്ങളും , മറ്റു അംഗങ്ങളെയും ഒന്നിച്ചു നിർത്തി പുതിയ ഒരു ചിത്രത്തിന്റെ ആലോചനയിലാണ് അമ്മ എന്ന സംഘടന. ഏകദേശം നൂറ്റിമൂപ്പത്തിയഞ്ചാളം താരങ്ങൾ വേഷമിടുന്ന ചിത്രത്തിന്റെ നിർമ്മാണം ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ്. ചിത്രത്തിന്റെ കഥ, തിരക്കഥ, സംഭാഷണം രചിക്കുന്നത് ടി കെ രാജീവ് കുമാറും സംവിധാനത്തിൽ രാജീവ് കുമാറിന്റെ കൂടെ പ്രിയദർശനും സഹകരിക്കുന്നു. താരങ്ങൾക്ക് വിഭവ സമൃദ്ധമായ ഭക്ഷണസാധനങ്ങളും , ഒത്തുകൂടലിന്റെ ഓർമ്മകൾ പുതുക്കുവാനായി ഫോട്ടോ സെഷനുകളും , കലാപരിപാടികളും ചടങ്ങിൽ ഏർപ്പെടുത്തിയിരിന്നു. 1994 മെയ്യ് 31 തീയതി സുരേഷ് ഗോപി , ഗണേഷ് കുമാർ , മണിയൻപിള്ള രാജു, എന്നിവരുടെ നേത്യുത്തിൽ തിക്കുർശ്ശി സുകുമാരൻ നായരാണ് അമ്മ എന്ന സംഘടന ഉൽഘാടനം ചെയ്തത്. ആദ്യ സംഘടനയുടെ പ്രസിഡന്റായി സോമനേയും പിന്നീട് നീണ്ട പതിനെട്ട് വർഷങ്ങൾ അമ്മയെ നയിച്ച ശ്രീ ഇന്നസെന്റും, പുതിയ പ്രസിഡന്റായ മോഹൻലാലും ഉത്തരവാദിത്യത്തോടു കൂടി സംഘടനയെ നയിച്ചു കൊണ്ടുപോവുന്നു.
