മുച്ചിറിയുള്ള ആളുകളെ കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ പിടികൂടിയത്. പ്രതിയുടെ ഭാര്യ മുൻപ് കടയ്ക്കൽ പോലീസിൽ ഇയാൾക്കെതിരെ പരാതി നൽകിയിരുന്നു. ആ പരാതിയുടെ അടിസ്ഥാനത്തിൽ പ്രതിയെ സ്റ്റേഷനിൽ വിളിച്ചു വരുത്തുകയും ചോദ്യം ചെയ്യുകയും ചെയ്യുകയായിരുന്നു. ആദ്യം പ്രതിക്കുറ്റം സമ്മതിച്ചില്ല. തുടർന്ന് പ്രതിയുടെ മൊബൈൽ ലൊക്കേഷൻ കേന്ദ്രീകരിച്ച് നടത്തിയ അന്വേഷണത്തിൽ കൃത്യം നടക്കുന്ന സമയം പ്രതി ഈ സ്ഥലത്ത് ഉണ്ടായിരുന്നതായി സൈബർസെല്ലിന്റെ സഹായത്തോടെ പോലീസ് മനസ്സിലാക്കി. തുടർന്ന് നടത്തിയ ചോദ്യം ചെയ്യലിൽ പ്രതി കുറ്റം സമ്മതിച്ചു.
കട്ടിലിന്റെ അടിയിൽ കയറി ഒളിച്ചിരുന്ന പ്രതി റിട്ടയേർഡ് അധ്യാപികയെ ആക്രമിക്കുകയും കഴുത്തിൽ കത്തിവെച്ച് സ്വർണ്ണവും പണവും അപഹരിക്കുകയുമായിരുന്നു.
