കഴിഞ്ഞ മാസമാണ് അസിസ്റ്റന്‍റ് കമ്മീഷണര്‍ക്കും പോത്തൻകോട് സിഐക്കും എന്ന പേരിൽ പോത്തൻകോട് സ്റ്റേഷനിലെ പൊലീസുകാരനെന്ന പേരിൽ ഒരാൾ കടയിൽ നിന്ന് രണ്ട് കവറുകളിലായി അഞ്ച് കിലോ മാങ്ങ വാങ്ങിയത്. ഒരു മാസമായിട്ടും പണവുമില്ല. ആളുമില്ല. ഇന്ന് പോത്തൻകോട് പൊലീസ് കടയിൽ എത്തിയപ്പോൾ കടയുടമ ഇക്കാര്യം പറഞ്ഞു. അപ്പോഴാണ് കബളിപ്പിക്കപ്പെട്ട വിവരം മനസിലായത്. ഉടൻ പോത്തൻകോട് സിഐ കടയിലെത്തി പരാതി എഴുതിവാങ്ങുകയായിരുന്നു. സംഭവത്തില്‍ അന്വേഷണം തുടങ്ങി പോത്തൻകോട് പൊലീസ് അറിയിച്ചു.
