എതിർദിശയിൽ വന്ന യുവാക്കൾ യുവതിയെക്കണ്ട് പിന്നാലെയെത്തിയാണ് മാല പൊട്ടിച്ചത്. ബൈക്കിനു പിന്നിലിരുന്നയാളാണ് മാല പൊട്ടിച്ചത്. യുവതിയുടെ കഴുത്തിനു മുറിവേറ്റിട്ടുമുണ്ട്. യുവതി ബഹളംവയ്ക്കുന്നതു കേട്ട് നാട്ടുകാർ ഓടിയെത്തിയപ്പോഴേക്കും അക്രമികൾ കടന്നുകളഞ്ഞു.
നാട്ടുകാരിൽ ചിലർ ബൈക്കിനെ പിന്തുടർന്നെങ്കിലും കണ്ടെത്താനായില്ല. വർക്കല പോലീസ് സ്ഥലത്തെത്തി പ്രദേശത്ത് തിരച്ചിൽ നടത്തി. പ്രദേശത്തെ സി.സി.ടി.വി. ദൃശ്യങ്ങൾ പരിശോധിച്ച് മോഷ്ടാക്കളെ പിടികൂടാൻ ശ്രമിക്കുമെന്ന് വർക്കല പോലീസ് അറിയിച്ചു.
