ആധുനിക സൗകര്യങ്ങളോടു കൂടി അഞ്ച് നിലകളിലായാണ് കെട്ടിടം നിർമിക്കുന്നത്. സ്‌കോൾ കേരളയുടെ തനത് ഫണ്ട് ഉപയോഗിച്ച് നിർമിക്കുന്ന ആസ്ഥാന മന്ദിരത്തിനായി പതിനൊന്ന് കോടി നാൽപത്തിയൊമ്പത് ലക്ഷത്തി തൊണ്ണൂറായിരം രൂപയാണ് വകയിരുത്തിയിട്ടുള്ളത്. 21, 380 ചതുരശ്രയടി വിസ്തീർണത്തിലാണ് സ്‌കോൾ കേരളക്കുള്ള ആസ്ഥാന മന്ദിരവും ജില്ലാ വിദ്യാഭ്യാസ ഉപഡയറക്ടറുടെ കാര്യാലയവും പണിയുന്നത്. രണ്ട് വർഷത്തിനകം നിർമാണം പൂർത്തിയാക്കും. ഗതാഗതവകുപ്പ് മന്ത്രി ആന്റണി രാജു ചടങ്ങിൽ അധ്യക്ഷനായിരുന്നു. വാർഡ് കൗൺസിലർ കൃഷ്ണകുമാർ.എസ്, എസ്.സി.ഇ.ആർ.ടി ഡയറക്ടർ ഡോ. ജയപ്രകാശ് ആർ.കെ, സ്‌കോൾ കേരള വൈസ് ചെയർമാൻ ഡോ. പി. പ്രമോദ്, എസ്.ഐ.ഇ.ടി ഡയറക്ടർ ബി. അബുരാജ്, ജില്ലാ വിദ്യാഭ്യാസ ഉപഡയറക്ടർ കൃഷ്ണ കുമാർ. സി. സി എന്നിവരും ചടങ്ങിൽ സന്നിഹിതരായിരുന്നു.
