നാവായിക്കുളം ശങ്കരനാരായണസ്വാമി ക്ഷേത്രത്തിലെ ഉത്സവത്തോടനുബന്ധിച്ചുള്ള ഉരുള്‍ഘോഷയാത്ര നടന്ന രാത്രിയിലാണ് സ്‌കൂളിനു നേരെ ആക്രമണം ഉണ്ടായത്. പ്രദേശവാസികള്‍ എല്ലാം ഉത്സവാഘോഷത്തില്‍ ആയിരുന്നതിനാല്‍ ആരും സ്‌കൂളില്‍ നിന്നുള്ള ശബ്ദങ്ങള്‍ ഒന്നും കേട്ടിരുന്നില്ല. സ്‌കൂളിന്റെ സുരക്ഷയ്ക്കായി സ്ഥാപിച്ചിരുന്ന സിസിടിവി ക്യാമറകള്‍ മുഴുവനും നശിപ്പിച്ചു. ക്ലാസ് മുറികളും ജനലല ചില്ലുകളും തല്ലി തകര്‍ത്തു. സ്മാര്‍ട്ട് ക്ലാസ്സ് റൂമിലെ പ്രോജക്ടറുകള്‍ തല്ലിപ്പൊളിച്ച് കിണറ്റില്‍ എറിഞ്ഞ നിലയിലാണ്. ജല ശുദ്ധീകരണ ഉപകരണങ്ങളും ലൈറ്റുകളും അടിച്ചുപൊട്ടിച്ചു.
ഓടുമേഞ്ഞ കെട്ടിടത്തിന്റെ ഓട് മുഴുവന്‍ അടിച്ച് തകര്‍ത്തു ആസ്ബറ്റോസും തല്ലിപ്പൊട്ടിച്ചു. ടോയ്ലറ്റ് ബ്ലോക്കുകളും ജലവിതരണത്തിനായി സ്ഥാപിച്ചിരുന്ന ജലസംഭരണികളും, കുടിവെള്ള ടാപ്പുകളും പൂര്‍ണമായും അടിച്ച് തകര്‍ത്തു. അവധിക്കാലമായതിനാല്‍ സ്‌കൂളില്‍ സുരക്ഷജീവനക്കാരുടെ സേവനം ഇല്ലായിരുന്നു. വൈദ്യുതി ബന്ധം തകരാറിലാക്കിയ ശേഷമാണ് ആക്രമം നടത്തിയിട്ടുള്ളത് ലഭ്യമായ തെളിവുകളുടെ അടിസ്ഥാനത്തിലാണ് പോലീസിന്റെ അന്വേഷണം പുരോഗമിക്കുന്നത്. 20 ലക്ഷത്തോളം രൂപയുടെ നാശനഷ്ടമാണ് ഉണ്ടായത്.
