ആശ്രമത്തിനു മുന്നില്‍ റോഡരികിലെ ആല്‍മരത്തിന്റെ ചുവട്ടില്‍ സ്ഥാപക സ്വാമി നീലകണ്ഠഗുരുപാദരുടെ പ്രതിമയ്ക്കു മുന്നില്‍ സ്ഥാപിച്ചിട്ടുള്ള കാണിക്കവഞ്ചിയും ഇരുമ്പുവടികൊണ്ട് തകര്‍ക്കാന്‍ ശ്രമിച്ചിരുന്നു. മോഷണ ശ്രമം നടത്തിയ ശേഷം തുണി കൊണ്ട് കാണിക്ക വഞ്ചികള്‍ തുടച്ച ശേഷമാണ് മോഷ്ടാക്കള്‍ മടങ്ങിയത്. ഇവര്‍ ഉപയോഗിച്ചതായി കരുതുന്ന സിഗരറ്റ് പായ്ക്കറ്റും ലൈറ്ററും സമീപം കണ്ടെത്തിയിരുന്നു. പൂജയ്ക്ക് സഹായിയായിട്ടുള്ള മുകുന്ദനാണ് പുലര്‍ച്ചെ ആശ്രമ വാതില്‍ താഴിന്റെ ചങ്ങല മുറിച്ചു മാറ്റിയ നിലയില്‍ കിടക്കുന്നത് കണ്ടത്. ഇക്കാര്യം അധികൃതരെ അറിയിക്കുകയും തുടര്‍ന്ന് പോത്തന്‍കോട് പൊലീസിനെ അറിയിക്കുകയും അവര്‍ സ്ഥലത്തെത്തി സിസിടിവി ദൃശ്യങ്ങള്‍ പരിശോധിച്ചു മടങ്ങിയെങ്കിലും തുടര്‍ നടപടികള്‍ ഉണ്ടായത് ദിവസങ്ങള്‍ക്കു ശേഷമാണ്.
ആശ്രമത്തിന് നേരത്തെ തന്നെ സുരക്ഷാ ഭീഷണിയുണ്ടെന്നും കവാടവും കടന്ന് ആശ്രമത്തിനുള്ളില്‍ വരെ മോഷ്ടാക്കളെത്തിയത് ഗൗരവമായാണ് കാണുന്നതെന്നും അനധികൃതമായി അകത്തു കയറിയവരെ ഉടന്‍ കണ്ടെത്താന്‍ നടപടി വേണമെന്നും ശ്രീരാമദാസ ആശ്രമം അധ്യക്ഷന്‍ സ്വാമി ബ്രഹ്മപാദാനന്ദ സരസ്വതി പറഞ്ഞു. സിസിടിവി ദൃശ്യങ്ങള്‍ പരിശോധിച്ച് അന്വേഷണം ഊര്‍ജിതമാക്കിയതായും മോഷ്ടാക്കളെ ഉടന്‍ പിടികൂടുമെന്നും പോത്തന്‍കോട് എസ്എച്ച്ഒ ഡി. മിഥുന്‍ പറഞ്ഞു
