സുബിയ്ക്ക് കരൾ പകുത്തു നൽകാൻ തയാറായ ബന്ധുവിനെക്കുറിച്ചാണ് എബി പറഞ്ഞത്. താരത്തിന്റെ ബന്ധു ജിഷയാണ് കരൾ നൽകാൻ തയാറായത്. ജിഷയും സുബിയും ഒന്നിച്ചുള്ള ചിത്രമാണ് പോസ്റ്റ് ചെയ്തിരിക്കുന്നത്. ‘ചേച്ചിയുടെ ആരോഗ്യം കൈവിട്ടു പോകുമെന്ന അവസ്ഥയിൽ കരൾ നൽകി ജീവൻ പകരാൻ തയ്യാറായ ഞങ്ങളുടെ ജിഷ ചിറ്റ’- എന്ന അടിക്കുറിപ്പിലായിരുന്നു പോസ്റ്റ്.
ഫെബ്രുവരി 22നാണ് സുബി വിടപറയുന്നത്. തെറ്റായ ജീവിതരീതിയാണ് തന്റെ ആരോഗ്യം തകർത്തതെന്ന് വളരെ മുൻപ് സുബി തന്നെ വ്യക്തമാക്കിയിരുന്നു. 41ാം വയസിലെ താരത്തിന്റെ അപ്രതീക്ഷിത വിയോഗം സഹപ്രവർത്തകർക്കും ആരാധകർക്കുമെല്ലാം വേദനയായി. മരിക്കുന്നതിനു രണ്ടു മാസം മുൻപ് പകർത്തിയ സുബിയുടെ വിഡിയോ കഴിഞ്ഞ ദിവസമാണ് പുറത്തുവന്നത്. വിഡിയോകൾ പോസ്റ്റ് ചെയ്യണമെന്നത് ചേച്ചിയുടെ ആഗ്രഹമായിരുന്നെന്നും എടുത്തുവച്ചിരിക്കുന്ന വിഡിയോകൾ പോസ്റ്റു ചെയ്യുമെന്ന് എബി പറഞ്ഞിരുന്നു.
