ലോകത്തിലെ ഏറ്റവും ചെലവേറിയ രണ്ടാമത്തെ സ്വകാര്യ ഭവനമാണ് മുകേഷ് അംബാനിയുടെ ആന്റിലിയ. അംബാനി കുടുംബത്തിലെ ആഘോഷങ്ങളിലെല്ലാം ആന്റിലിയയും ശ്രദ്ധ നേടാറുണ്ട്. ഭാര്യ നിതാ അംബാനിക്കൊപ്പം കുടുംബസമേതമാണ് മുകേഷ് അംബാനി ഇവിടെ കഴിയുന്നത്. ആഡംബരത്തിന്റെ മറുവാക്ക് തന്നെയാണ് ഒരർത്ഥത്തിൽ പറഞ്ഞാൽ ആന്റിലിയ. മകളായ ഇഷ അംബാനിയുടെ വിവാഹം കഴിഞ്ഞതോടെ അത്യാധുനിക സൗകര്യങ്ങളുടെ കൊടുമുടിയിൽ കഴിഞ്ഞ ഇഷ ഏത് വീട്ടിലായിരിക്കും താമസിക്കുക എന്നുള്ളത് അന്ന് തന്നെ ചർച്ച വിഷയമായിരുന്നു. എന്നാൽ, വ്യവസായിയായ ആനന്ദ് പിരമലിനെ വിവാഹം ചെയ്ത ഇഷ താമസത്തിനായി തിരഞ്ഞെടുത്തത് ‘ഗുലിത’ എന്ന വീടാണ്.
