വെങ്കലത്തില്‍ പൊതിഞ്ഞതാണ് രഥത്തിന്റെ ഭാഗങ്ങളിൽ ചിലത്.
ബള്‍ഗേറിയയിലെ ഇസ്റ്റോറിചെസ്കി മുസെജ് നോവ സാഗോറ എന്ന മ്യൂസിയത്തിലെ പുരാവസ്തു ഗവേഷകന്‍ വെസെലിന്‍ ഇഗ്നാറ്റോവിന്റെ നേതൃത്വത്തിലുള്ള സംഘമാണിത് കണ്ടെത്തിയത്.
ഇവയില്‍ ത്രേസിയന്‍ പുരാണത്തിലെ രംഗങ്ങള്‍ ചിത്രീകരിച്ചിട്ടുണ്ട് . വര്‍ഷങ്ങളുടെ പഴക്കം ഉള്ളതു കൊണ്ട് തന്നെ ഇത് വളരെ അവ്യക്തമായി മാത്രമേ കാണാന്‍ സാധിക്കുകയുള്ളൂ .
രഥത്തിനു 1800 മുതല്‍ 2000 വര്‍ഷത്തെ വരെ പഴക്കമാണ് ഉള്ളതെന്നാണ് നിഗമനം . 1.2 മീറ്റര്‍ വ്യാസമുള്ള നാല് വലിയ ചക്രങ്ങളുണ്ട്, വെള്ളി പൂശിയ ഇവ ഈറോസ് ദേവന്റെ ചെറിയ രൂപങ്ങള്‍ കൊണ്ട് അലങ്കരിച്ചിരിക്കുന്നു. രഥത്തിനടുത്തായി 2 കുതിരയുടെയും നായയുടെയും അസ്ഥികൂടങ്ങളും കണ്ടെത്തിയവയിൽ ഉൾപ്പെടുന്നു.
