പ്ലസ് ടു വിദ്യാര്‍ഥികളാണ് ഇരുവരും. ചെങ്ങന്നൂര്‍ സ്വദേശിനിയായ പെണ്‍കുട്ടി പാലാരിവട്ടത്താണ് വാടകയ്ക്ക് താമസിക്കുന്നത്. കഴിഞ്ഞ ദിവസം 17കാരിയുടെ പ്രണയബന്ധം തകര്‍ന്നിരുന്നു. ഇതോടെ കടുത്ത മാനസിക വിഷമത്തിലായിരുന്നു പെണ്‍കുട്ടി. ഇക്കാര്യം അറിഞ്ഞ് പെണ്‍കുട്ടിയെ ആശ്വസിപ്പിക്കാനെത്തിയതാണ് സുഹൃത്തായ ഗൗതം.
സംസാരത്തിനിടെ പൊട്ടിക്കരഞ്ഞ പെണ്‍കുട്ടി പാലത്തില്‍ നിന്ന് പുഴയിലേക്ക് ചാടുകയായിരുന്നു. ഇതോടെ സുഹൃത്തിനെ രക്ഷിക്കാന്‍ ഗൗതം പിന്നാലെ ചാടി. ഇതിനിടെ ഇരുവരും വെള്ളത്തില്‍ വീഴുന്നതു കണ്ട മീന്‍ പിടിത്തക്കാര്‍ രക്ഷിക്കാനെത്തി. രണ്ട് പേരെയും ഉടന്‍ തന്നെ ആലുവ ജില്ലാ ആശുപത്രിയില്‍ എത്തിച്ചെങ്കിലും ഗൗതമിന്റെ ജീവന്‍ രക്ഷിക്കാനായില്ല.
