തിരുവനന്തപുരം ജില്ലാ പ്രൈവറ്റ് ബസ് ഓപ്പറേറ്റേഴ്സ് അസോസിയേഷന്റെ നേതൃത്വത്തിലാണ് ധർണ്ണ സമരം നടന്നത് . നിലനിൽപ്പുതന്നെ പ്രതിസന്ധിയിൽ ആയിരിക്കുന്ന സ്വകാര്യ ബസ് വ്യവസായത്തെ സംരക്ഷിച്ചു നിലനിർത്തുന്നതിനായി സർക്കാർ അടിയന്തരമായി ഇടപെടേണ്ടിയിരിക്കുന്നു എന്ന് സമരം ഉദ്ഘാടനം ചെയ്ത സംഘടനയുടെ ജില്ലാ പ്രസിഡണ്ടും സംസ്ഥാന ജോയിന്റ് സെക്രട്ടറിയുമായ അഡ്വക്കേറ്റ് സന്തോഷ്കുമാർ ആവശ്യപ്പെട്ടു. സംസ്ഥാനത്തെ പൊതു ഗതാഗതം സ്വകാര്യ ബസ്സുകളെ ആശ്രയിച്ചാണ് നിലനിൽക്കുന്നത് എന്ന കാര്യം യാഥാർത്ഥ്യമാണ്. അതുകൊണ്ടുതന്നെ ഈ മേഖലയെ നിലനിർത്തേണ്ടതും സർക്കാരിന്റെ കടമയാണെന്നും സന്തോഷ്കുമാർ ഓർമിപ്പിച്ചു.
സെൻട്രൽ കമ്മിറ്റി അംഗമായ വിജയരാഘവന്റെ അധ്യക്ഷതയിൽ ജില്ലാ ജനറൽ സെക്രട്ടറി വി ജയറാം സ്വാഗതം പറഞ്ഞു.
