റിപ്പോർട്ടിൽ, ഇത് അന്വേഷിച്ച ഉദ്യോഗസ്ഥൻ പറയുന്നത് ബൈക്ക് അമിത വേഗതയിലായിരുന്നു എന്നതിന് തെളിവില്ല എന്നാണ് , എന്നാൽ അശ്രദ്ധമായാണോ റോഡ് മുറിച്ച് കടന്നതെന്നതിന് തെളിവുണ്ടോ എന്ന് ചോദിച്ചാൽ ഉത്തരമില്ല.
സംഭവത്തിന്‌ ദൃക്സാക്ഷികളായ നാട്ടുകാർ പറയുന്നത് മൂന്ന് ബൈക്ക് വന്നതിൽ ഒന്നാണ് ഈ ഇടിച്ച ബൈക്കെന്നാണ് , പക്ഷേ ബാക്കി രണ്ട് ബൈക്കിനെ പറ്റി ആരും ഒന്നും പറയുന്നില്ല. നാട്ടുകാർ പറയുന്നത് ഈ ഭാഗത്ത് ബൈക്ക് റേസിംഗ് സ്ഥിരമാണെന്നാണ്.
നിരവധി അപകടങ്ങളാണ് ഇതിനോടകം ഈ ഭാഗത്ത് നടന്നിരിക്കുന്നത്.
ഈ അപകടത്തോടെ തിരുവല്ലം സ്ട്രെച്ചിൽ ഇക്കഴിഞ്ഞ 30 ദിവസത്തിനകം
3 മരണങ്ങളായി....
കഴിഞ്ഞ ഒരു വർഷത്തിൽ ഈ സ്ടാച്ചിൽ 33 അപകടങ്ങളാണ് നടന്നത് അതിൽ
8 പേരാണ് മരിച്ചത്.
കവടിയാറിൽ ആധുനിക ക്യാമറകൾ ഉൾപ്പെടെയുള്ള സംവിധാനങ്ങളുണ്ടായിട്ടും ഒരൊറ്റ ബൈക്ക് റേസറെയും പോലീസിന് തൊടാനായിട്ടില്ല അപ്പോഴാണ് കൂടുതൽ വിശാലമായ ആധുനിക ബൈപ്പാസ് റോഡ് ബൈക്കർമാർക്ക് കിട്ടിയിരിക്കുന്നത്. ശക്തമായ നടപടികൾ ഉദ്യോഗസ്ഥരുടെ ഭാഗത്ത് നിന്നും ഉണ്ടായില്ലെങ്കിൽ, റേസിംഗ് അവസാനിപ്പിക്കുവാൻ നാട്ടുകാരും , വിവിധ സംഘടനകളും രംഗത്തിറങ്ങുമെന്ന് പ്രദേശവാസികൾ വ്യക്തമാക്കി കഴിഞ്ഞിട്ടുണ്ട്.
