സജിത മരിച്ചെന്ന് ഉറപ്പിച്ചതിനു ശേഷം പ്രതി സ്ഥലം വിടുകയായിരുന്നുവെന്നാണ് പൊലീസ് സംശയിക്കുന്നത്. രാത്രി തന്നെ പൊലീസ് അന്വേഷണം തുടങ്ങിയെങ്കിലും പ്രതിയെ കണ്ടെത്താനായില്ല. ഷൈജു സാധാരണ പോകാറുള്ള സ്ഥലങ്ങളിലും സുഹൃത്തുക്കളുടെ വീടുകളിലും പൊലീസ് പരിശോധന നടത്തിയിരുന്നു. ഇരുവരും തമ്മിൽ പല തവണ തർക്കങ്ങൾ ഉണ്ടായിട്ടുള്ളതായി അയൽവാസികൾ പൊലീസിന് മൊഴി നൽകിയിട്ടുണ്ട്. മരക്കഷ്ണം ഉപയോഗിച്ചാണ് ഷൈജു സജിതയെ തലയ്ക്കടിച്ച് പരുക്കേല്‍പ്പിച്ചതെന്ന് പൊലീസ് പറഞ്ഞു. പരുക്കേറ്റ യുവതിയെ രാത്രിയിൽ തന്നെ പന്തളം സിഎം ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സംഭവത്തില്‍ അന്വേഷണം പുരോഗമിക്കുകയാണെന്ന് പൊലീസ് പറഞ്ഞു.
