പ്രതിഷേധക്കാർ മതിൽ ചാടിക്കടന്ന് ഉള്ളിൽ പ്രവേശിക്കുന്നത് തടയാനും പൊലീസുകാർക്ക് പെ‍ട്ടെന്ന് സ്ഥലത്തെത്താനും പാത പ്രയോജനപ്പെടും. സുരക്ഷ വർധിപ്പിക്കാൻ ഡിജിപിയായിരുന്ന ലോക്നാഥ് ബെഹ്റ ആഭ്യന്തര വകുപ്പിനു നൽകിയ ശുപാർശയിൽ മതിലിനോടു ചേർന്നുള്ള പാത നിർമ്മാണവും ഉൾപ്പെട്ടിരുന്നു.
10.5 ഏക്കർ സ്ഥലമാണ് സെക്രട്ടേറിയറ്റിന്റെയും പരിസരത്തിന്റെയും ആകെ വിസ്തൃതി. 47 വകുപ്പുകളിലായി അയ്യായിരത്തോളം ഉദ്യോഗസ്ഥരും ഉണ്ട്. വളപ്പിനുള്ളിൽ സെക്രട്ടേറിയറ്റ് ഗാർ‍‍ഡുകളും പൊലീസും ഉൾപ്പെടെ 400 പേരെയാണ് സുരക്ഷയ്ക്കായി നിയോഗിച്ചിരിക്കുന്നത്.പാത നിർമാണത്തിനു ശേഷം സെക്രട്ടേറിയറ്റിന്റെ 4 ഗേറ്റിലും നിരീക്ഷണത്തിനായി വാച്ച് ടവറുകൾ സ്ഥാപിക്കുന്നതും പരിഗണനയിലുണ്ട്. സുരക്ഷയുടെ ഭാഗമായി സെക്രട്ടേറിയറ്റിനു ചുറ്റുമുള്ള ഗ്രില്ലിന്റെ ഉയരം കൂട്ടണമെന്ന് ഇന്റലിജൻസ് ശുപാർശ ചെയ്തിരുന്നു. ഉയരം കൂട്ടിയാൽ ഭരണസിരാ‍കേന്ദ്രത്തിന്റെ ഭംഗി നഷ്ടമാകു‍മെന്നാണ് പൊതുഭരണ വിഭാഗം സർക്കാരിനെ അറിയിച്ചത്. ഇക്കാര്യത്തിൽ ആഭ്യന്തര വകുപ്പ് പിന്നീടു തീരുമാനമെടുക്കും.
