*കൊല്ലം ചിതറയിൽ വടിവാളും നായയുമായി ഭീകരാന്തരീക്ഷം സൃഷ്‌ടിച്ച സജീവനെ നീണ്ട നേരത്തെ പരിശ്രമത്തിനൊടുവിൽ പൊലീസ് പിടികൂടി*
January 07, 2023
കൊല്ലം: കൊല്ലത്ത് മണിക്കൂറുകളായി പൊലീസിന് നേരെ ഭീഷണിമുഴക്കി പരാക്രമം കാണിച്ച പ്രതിയെ കീഴടക്കി. നാല് മണിക്കൂറിലേറെ പൊലീസ് ശ്രമിച്ചിട്ടും സജീവനെ വീടിന് പുറത്തിറക്കാന്‍ കഴിഞ്ഞിരുന്നില്ല. തുടര്‍ന്ന് നാട്ടുകാരുടെയും പൊലീസുകാരുടെയും കൃത്യമായ ഇടപെടിലൂടെ ബലംപ്രയോഗിച്ച് സജീവനെ കീഴടക്കുകയായിരുന്നു. കൈവിലങ്ങണിയിച്ചാണ് വീട്ടില്‍ നിന്ന് സജീവനെ പുറത്തിറക്കിയത്. പലതവണ സജീവനെ പിടികൂടാനായി പൊലീസ് വീടിനകത്തേക്ക് കയറിയെങ്കിലും വടിവാള്‍ വീശിയോടതെ പൊലീസിന് തിരിച്ചിറങ്ങേണ്ടി വരികയായിരുന്നു. നായയെ അടക്കം ഇയാള്‍ അഴിച്ചുവിട്ടിരുന്നു. ജനല്‍ചില്ലുകള്‍ അടക്കം അടിച്ചുതകര്‍ത്ത് പുറത്തേക്ക് എറിയുകയും പ്രതി ചെയ്തിരുന്നു.
