സര്‍ക്കാര്‍ തിയേറ്ററുകള്‍ വനിതാ ശിശുസൗഹാര്‍ദ തിയറ്ററുകളായി മാറ്റുന്നതിന്റെ ഭാഗമായി കെഎസ്‌എഫ്ഡിസി തിരുവനന്തപുരം കൈരളി തിയറ്റര്‍ കോംപ്ലക്സില്‍ ‘ക്രൈ റൂം’ ആരംഭിച്ചു. കുഞ്ഞു കരഞ്ഞാല്‍ പലപ്പോഴും രക്ഷിതാക്കള്‍ക്ക് അവരേയും കൊണ്ട് പുറത്തേക്ക് പോകേണ്ടി വരികയാണ് പതിവ്. സിനിമ ആസ്വദിക്കാന്‍ കഴിയാറില്ല. തിയേറ്ററിലെ ശബ്ദവുമായി പൊരുത്തപ്പെടാന്‍ കുട്ടികള്‍ക്കും പ്രയാസമുണ്ടാകും. ഇതിനെല്ലാം പരിഹാരമായാണ് പുതിയ സംവിധാനം.
ക്രൈ റൂമില്‍ തൊട്ടിലും ഡയപ്പര്‍ മാറ്റാനുമുള്ള സൗകര്യവും ഉണ്ടാവും.കെഎസ്‌എഫ്ഡിസിയുടെ കൂടുതല്‍ തിയേറ്ററുകളില്‍ ഇത്തരം ക്രൈ റൂമുകള്‍ കൊണ്ടുവരുമെന്ന് മന്ത്രി വി എന്‍ വാസവന്‍ അറിയിച്ചു.
