വർക്കല നടയറയിൽ കുടുംബങ്ങൾ തമ്മിലുള്ള മുൻവിരോധത്തിന്റെ പേരിൽ യുവാവിനെ കുത്തി പതിക്കേൽപ്പിച്ച സംഘത്തിലെ രണ്ടുപേർ വർക്കല പോലീസിന്റെ പിടിയിലായി. നടയറ മുഹിയുദീൻ ജുമാ മസ്ജിദിന് മുൻവശത്ത് വച്ച് നടയറ ബംഗ്ലാവിൽ ഷാ മൻസിലിൽ നിസാറിന്റെ മകൻ അക്ബർഷായെ നടയറ കുറ്റിവെട്ടിയിൽ വീട്ടിൽ സുധീർ, അജ്മൽ, നിസാമുദീൻ,ഷിഹാബ് എന്നിവർ ചേർന്ന് ക്രൂരമായി മർദ്ദിക്കുകയും കുത്തി പരിക്കേൽപ്പിക്കുകയും ചെയ്ത കേസിൽ ആണ് പ്രതികളിൽ നിസാമുദ്ദീനും ഷിഹാബും പോലീസിന്റെ പിടിയിലായത്.രണ്ടു മാസങ്ങൾക്കു മുമ്പ് സ്കൂട്ടറിൽ വരികയായിരുന്ന വെട്ടൂരുള്ള യുവതികളെ റോഡിൽ വച്ച് ആക്രമിക്കുകയും മാനഭംഗപ്പെടുത്താൻ ശ്രമിക്കുകയും ചെയ്ത കേസിലെ പ്രതികളുമാണ് നിസാമുദ്ദീനും ശിഹാബും. ഒളിവിൽ പോയ സുധീറിനെയും അജ്മലിനെയും കണ്ടെത്തുന്നതിലേക്കായി പോലീസ് തിരച്ചിൽ ആരംഭിച്ചതായി വർക്കല എസ് എച്ച് ഒ എസ് സനോജ് അറിയിച്ചു. വർക്കല ഡിവൈഎസ്പി പി നിയാസിന്റെ നിർദ്ദേശാനുസരണം വർക്കല എസ് എച്ച് ഒ എസ് സനോജ്, സബ് ഇൻസ്പെക്ടർമാരായ രാഹുൽ പി ആർ, അബ്ദുൽ ഹക്കീം, പ്രൊബേഷൻ എസ് ഐ മനോജ് സി, എ എസ് ഐ ബിജുകുമാർ, എസ് സി പി ഒ ഷിബു, സി പി ഒ മാരായ ബിനു ശ്രീദേവി, ഷജീർ, സുധീർ, സുജിത്ത് എന്നിവരടങ്ങിയ സംഘമാണ് പ്രതികളെ അറസ്റ്റ് ചെയ്തത്.
