അന്നത്തെ അധ്യാപകരായ ഷാഹുൽ ഹമീദ്, ഗഫൂർ, കുട്ടൻ, അലിഹസൻ, ജയചന്ദ്രൻ ആചാരി തുടങ്ങിയവരുടെ അധ്യാപനരീതി ഉദാഹരണസഹിതം ഓർത്തെടുത്തു. കായികമത്സരങ്ങളിലും റേഡിയോ ക്ലബ്ബിലും പങ്കാളിയായിരുന്നതും എടുത്തുപറഞ്ഞു. താമസിച്ചിരുന്ന പയറ്റുവിള വീടിനു സമീപമുള്ള ഉമ്മമാർ തന്നെ ‘മുത്തേ’ എന്നാണ് വിളിച്ചിരുന്നത്. ഇടവ സ്കൂളിന്റെ മുത്തായി മാറാൻ അവസരം കിട്ടിയത് ആ വിളിയിൽനിന്നാണെന്നും അദ്ദേഹം പറഞ്ഞു. ദേശീയ അവാർഡ് നേടിത്തന്ന സമാന്തരങ്ങൾ എന്ന സിനിമയുടെ ഊർജവും ഉറവിടവും ഇടവയെന്ന നാടും ഈ വിദ്യാലയവുമാണെന്നും അദ്ദേഹം പറഞ്ഞു.
ബാലചന്ദ്രമേനോന്റെ സ്കൂളിലെ സഹപാഠികളും ചടങ്ങിനെത്തി. അധ്യാപകനായ ജയചന്ദ്രൻ ആചാരിയെ അദ്ദേഹം പൊന്നാടയണിയിച്ച് ആദരിച്ചു.
സ്കൂൾ അധികൃതർ ബാലചന്ദ്രമേനോന് സ്നേഹോപഹാരം നൽകി. പ്രതിഭാസംഗമം ബാലചന്ദ്രമേനോൻ ഉദ്ഘാടനം ചെയ്തു. പി.ടി.എ. പ്രസിഡന്റ് കാപ്പിൽ ഷെഫി അധ്യക്ഷനായി.
ഇടവ പഞ്ചായത്ത് പ്രസിഡന്റ് എ.ബാലിക്, അംഗങ്ങളായ ഹർഷാദ് സാബു, റിയാസ് വഹാബ്, സ്കൂൾ മാനേജർ ഹഫ്‌സാബീവി, പ്രിൻസിപ്പൽ എം.എസ്.ജലീൽ, പ്രഥമാധ്യാപിക എം.എസ്.വിദ്യ, മദർ പി.ടി.എ. പ്രസിഡന്റ് സിമി എസ്.ചന്ദ്രൻ, കെ.ബിനു എന്നിവർ സംസാരിച്ചു. വിവിധ പരീക്ഷകളിൽ മികച്ച വിജയം നേടിയ കുട്ടികളെ അനുമോദിച്ചു.
