ലോകകപ്പ് സംഘാടനവും തയ്യാറെടുപ്പുകളും, അടിസ്ഥാന സൗകര്യങ്ങളുടെ പ്രൗഢി, സ്റ്റേഡിയങ്ങൾക്കും നഗരങ്ങൾക്കും ഇടയിലുള്ള സഞ്ചാരത്തിന്റെ അനായാസത എന്നിവ കണക്കിലെടുത്താൽ 92 വർഷത്തെ ചരിത്രത്തിലെ ഏറ്റവും മികച്ച ലോകകപ്പ് എഡിഷനാണ് ഇതെന്ന് മന്ത്രി കൂട്ടിച്ചേർത്തു.ലോകകപ്പിന് ഖത്തർ ആതിഥേയത്വം വഹിക്കുന്നത് ഖത്തറിനും അറബ് രാജ്യങ്ങൾക്കും ഇസ്‌ലാമിക ലോകങ്ങൾക്കും അഭിമാനകരമാണെന്ന് ഖത്തർ വാർത്താ ഏജൻസിക്ക് (ക്യുഎൻഎ) നൽകിയ പ്രസ്താവനയിൽ അദ്ദേഹം പറഞ്ഞു. അറബ് മേഖല ലോകകപ്പ് പോലെയൊരു ഒരു ആഗോള ഇവന്റിന് ആതിഥേയത്വം വഹിക്കുകയെന്നത് മനോഹരമായ ഒരു സ്വപ്നമായിരുന്നു, ഇപ്പോൾ സ്വപ്നം യാഥാർത്ഥ്യമായി.
ഈ സ്വപ്നം സാക്ഷാത്കരിക്കാനും ഈ മഹത്തായ ഇവന്റിന് ആതിഥേയത്വം വഹിക്കാനും ഖത്തറിന് കഴിഞ്ഞു, ഇത് ഖത്തറിനെയും പൊതുവെ എല്ലാ അറബികളെയും കുറിച്ചുള്ള ലോകത്തിന്റെ വീക്ഷണത്തെയും അവരുടെ കഴിവുകളെയും മാറ്റുന്നതിൽ വലിയ സ്വാധീനം ചെലുത്തും, കൂടാതെ മറ്റ് പ്രധാന ആഗോള ഇവന്റുകൾ സംഘടിപ്പിക്കുന്നതിനുള്ള തുടക്കവും കുറിക്കും, അദ്ദേഹം പറഞ്ഞു
