വിമാനത്തിന്റെ ചിറകുകളും യന്ത്രഭാഗങ്ങളുമായി ഹൈദരാബാദിലേക്ക് പോകുകയായിരുന്നു ട്രെയിലർ. ട്രെയിലറിലുണ്ടായിരുന്ന വിമാനത്തിന്റെ ചിറകുകൾ തിരുവനന്തപുരം ഭാഗത്തേക്ക് പോകുകയായിരുന്ന ബസിലേക്ക് ഇടിച്ചു കയറുകയായിരുന്നു. ഇതോടെ ബസിന്റെ മുൻഭാഗം പൂർണമായും തകർന്നു.
30 വർഷത്തോളം സർവീസ് നടത്തിയ എയർ ബസ് എ 320 വിമാനം 2018 മുതൽ തിരുവനന്തപുരം വിമാനത്താവളത്തിലെ ഹാംഗർ യൂണിറ്റിലായിരുന്നു ഉണ്ടായിരുന്നത്. വിദ്യാർഥികളുടെ പഠനത്തിന് തുടർന്നും ഉപയോഗിക്കാനാകില്ലെന്ന് കണ്ടതോടെ ലേലത്തിൽ വെക്കുകയായിരുന്നു. ഹൈദരാബാദ് സ്വദേശി ജോഗിന്ദർ സിംഗ് 75 ലക്ഷം രൂപക്കാണ് വിമാനം സ്വന്തമാക്കിയത്.
