ഗവര്‍ണറുടെ അന്ത്യശാസന മറികടക്കാനായാണ് അംഗങ്ങള്‍ യോഗത്തില്‍ നിന്നു വിട്ടുനിന്നത്. പിന്നാലെയാണ് ഗവര്‍ണറുടെ അസാധാരണ നടപടി. 15 അംഗങ്ങളെയാണ് പിന്‍വലിച്ചത്. ഇന്നു മുതല്‍ ഇവര്‍ അയോഗ്യരാണെന്ന് കാണിച്ച്‌ ഗവര്‍ണര്‍ വിസിക്ക് കത്ത് നല്‍കി.
ക്വാറം തികയാതെ പിരിഞ്ഞതിനെ തുടര്‍ന്നു യോഗത്തില്‍ ആരൊക്കെ പങ്കെടുത്തു പങ്കെടുത്തില്ല എന്ന കാര്യം വിസിയോട് ഗവര്‍ണര്‍ അന്വേഷിച്ചിരുന്നു. പട്ടിക പരിശോധിച്ചപ്പോള്‍ നോമിനികളായ അംഗങ്ങളില്‍ മൂന്ന് പേര്‍ മാത്രമാണ് പങ്കെടുത്തതെന്ന് കണ്ടെത്തി. ഇതോടെയാണ് യോഗത്തില്‍ പങ്കെടുക്കാത്ത നോമിനികളെ പിന്‍വലിക്കാന്‍ അദ്ദേഹം തീരുമാനം എടുത്തത്.
പിന്‍വലിക്കപ്പെട്ട അംഗങ്ങളില്‍ അഞ്ച് പേര്‍ സിന്റിക്കേറ്റ് അംഗങ്ങള്‍ക്കൂടിയാണ്. ആ സ്ഥാനവും അവര്‍ക്ക് നഷ്ടമാകും.
അടുത്ത മാസം നാലിന് സെനറ്റ് യോഗം ചേര്‍ന്ന് പ്രതിനിധിയെ നിശ്ചയിക്കാനുള്ള നടപടികളുമായി മുന്നോട്ടു പോകുമെന്ന് ഉന്നത് വിദ്യാഭ്യാസ മന്ത്രിയും വിസിയും നേരത്തെ വ്യക്തമാക്കിയിരുന്നു. എന്നാല്‍ അതിനൊന്നും കാത്തു നില്‍ക്കാതെയാണ് ഗവര്‍ണറുടെ അപൂര്‍വ നടപടി.
