നഗരൂർ പഞ്ചായത്തിന്റെ നേതൃത്തിൽ പഞ്ചായത്ത് പരിധിയിലെ പാലിയേറ്റീവ് കിടപ്പുരോഗികളുടെ കുടുംബാംഗങ്ങളുടെ സംഗമം ഓർമ്മ എന്ന പേരിൽ സംഘടിപ്പിച്ചു. കിളിമാനൂർ ബ്ലോക്ക് പഞ്ചായത്ത് ഇഎംഎസ് സ്മരാകഹാളിൽ ചേർന്ന സംഗമം ഒ എസ് അംബിക എംഎൽഎ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ഡി സ്മിത അധ്യക്ഷയായി. മെഡിക്കൽ ഓഫീസർ ഡോ എൻ എസ് ബിനീഷ് റിപ്പോർട്ട് അവതരിപ്പിച്ചു. പാലിയേറ്റീവ് കിടപ്പുരോഗികൾക്ക് ബെഡ്ഷീറ്റുകൾ ജില്ലാപഞ്ചായത്തംഗം ജി ജി ഗിരികൃഷ്ണൻ വിതരണം ചെയ്തു. ചടങ്ങിൽ പാലിയേറ്റീവ് കുടുംബങ്ങൾ അവശ്യസാധനങ്ങളടങ്ങിയ ഭക്ഷ്യകിറ്റുകളും നല്കി. ബ്ലോക്ക് പഞ്ചായത്ത് വൈസ് പ്രസിഡന്റ് ശ്രീജാഉണ്ണികൃഷ്ണൻ, പഞ്ചായത്ത് വൈസ് പ്രസിഡന്റ് അബി ശ്രീരാജ്, ജന പ്രതിനിധികളായ കുമാരി ശോഭ, എ എസ് വിജയലക്ഷ്മി, വെള്ളല്ലൂർ കെ അനിൽകുമാർ, ആർ എസ് സിന്ധു, എൻ അനി,ലാലിജയകുമാർ, എം രഘു, നിസാമുദ്ദീൻ നാലപ്പാട്ട്, അനോബ് ആനന്ദ്, ആർ സുരേഷ്കുമാർ നന്ദു, ആർ എസ് രേവതി, കെ ശ്രീലത, സി ദിലീപ് , ഉഷ, അർച്ചന സഞ്ചു, സിഡിഎസ്ചെയർപേഴ്സൺ ജി ഷീബ, സെക്രട്ടറി ജെ എസ് സന്തോഷ് കുമാർ, റോയ് ജോസ്, മൊയ്തീൻകുട്ടി ആഡംപുലാൻ, വി വിജി, എസ് എസ് സ്മൃതി തുടങ്ങിയവർ സംസാരിച്ചു. സ്റ്റാന്റിംഗ് കമ്മറ്റി ചെയർപേഴ്സൺ പി ബി അനശ്വരി സ്വാഗതവും ജൂനിയർ ഹെൽത് ഇൻസ്പെക്ടർ ബി ബിജു നന്ദിയും പറഞ്ഞു. ചടങ്ങിൽ ആരോഗ്യപ്രവർത്തകരെയും ആശാപ്രവർത്തകരെയും ആദരിച്ചു.
