അഖിലേന്ത്യാ പദയാത്രയിൽ രാഹുൽഗാന്ധിയും സംഘവും താമസിക്കുക കണ്ടെയ്നറുകളിൽ . ഭക്ഷണവും ക്രമീകരിക്കുന്നത് ഇവയിൽത്തന്നെ. 60 കണ്ടെയ്നറുകൾ സജ്ഞമാക്കി കോൺഗ്രസ് . രാജ്യത്തുടനീളം 3500 കിലോമീറ്റർ ഭാരത് ജോഡോ യാത്രക്കാണ് കോൺഗ്രസ്സ് ഒരുങ്ങുന്നത്. കന്യാകുമാരി മുതൽ കാശ്മീർ വരെയാണു രാഹുലിന്റെ യാത്ര. സുരക്ഷാ കാരണങ്ങളാൽ രാഹുൽഗാന്ധി ഒരു കണ്ടെയ്നറിൽ താമസിക്കും. മറ്റുള്ളവർ കണ്ടെയ്നറുകൾ പങ്കിടും. ചില കണ്ടെയ്നറുകളിൽ കിടക്ക, ശൗചാലയം , എയർ കണ്ടിഷൻ സൗകര്യങ്ങൾ ഒരുക്കിയിട്ടുണ്ട്. കണ്ടെയ്നറുകൾ എല്ലാ ദിവസവും എത്തുന്നയിടത്തെ മൈതാനങ്ങളിൽ പാർക്ക് ചെയ്യും. ഹോട്ടലിൽ താമസിക്കാൻ ഉദ്ദേശിക്കുന്നില്ലെന്നും സ്ഥിരം യാത്രികരായ എല്ലാവർക്കുമൊപ്പം ലളിത സൗകര്യങ്ങൾ മതിയെന്നും രാഹുൽഗാന്ധി പാർട്ടിയെ അറിയിച്ചിരുന്നു. കോൺഗ്രസ് വൃത്തങ്ങളെ ഉദ്ധരിച്ചാണ് ഈ റിപ്പോർട്ടുകൾ .
