വിശേഷാവസരങ്ങളിൽ ബമ്പർ സമ്മാനവും ഉണ്ടാകും. വർഷം അഞ്ചുകോടിരൂപയുടെ സമ്മാനങ്ങളാണ് ഇതിനായി ഒരുക്കുന്നത്. ലക്കി ബിൽ എന്ന മൊബൈൽ ആപ്പ് വഴിയാണ് നറുക്കെടുപ്പ്. ഉപഭോക്താക്കൾ ഈ ആപ്പ് ഡൗൺലോഡ് ചെയ്യണം. സാധനങ്ങളും സേവനങ്ങളും വാങ്ങിയതിന്റെ ബില്ലുകൾ ഇതിൽ അപ്ലോഡ്ചെയ്യണം. ഈ ബില്ലുകളാണ് നറുക്കെടുക്കുക.
മൊബൈൽ ആപ്പ് 16-ന് വൈകുന്നേരം നാലിന് മാസ്കോട്ട് ഹോട്ടലിൽ മുഖ്യമന്ത്രി പിണറായി വിജയൻ ഉദ്ഘാടനംചെയ്യുമെന്ന് മന്ത്രി കെ.എൻ. ബാലഗോപാൽ അറിയിച്ചു.ലക്കി ബിൽ മൊബൈൽ ആപ്പ് ഗൂഗിൾ പ്ലേ സ്റ്റോറിൽനിന്ന് സംസ്ഥാന ചരക്കുസേവനനികുതി വെബ്സൈറ്റായ www.keralataxes.gov.in-ൽനിന്ന് ഇൻസ്റ്റാൾ ചെയ്യാം. തുടർന്ന് പേര്, വിലാസം, മൊബൈൽനമ്പർ എന്നിവ നൽകി രജിസ്റ്റർ ചെയ്യണം.
മാസത്തിലെ വിജയിക്ക് ഒന്നാംസമ്മാനം 10 ലക്ഷം
ദിവസേനയുള്ള നറുക്കെടുപ്പ്: 1000 രൂപയുടെ ഗിഫ്റ്റ് പായ്ക്കറ്റ് (25പേർക്ക് വീതം കുടുംബശ്രീയുടെയും വനശ്രീയുടെയും)
ആഴ്ചതോറും നറുക്കെടുപ്പ്: 25 പേർക്ക് മൂന്നുപകലും രണ്ടുരാത്രിയും കെ.ടി.ഡി.സി.യുടെ ഹോട്ടലുകളിൽ സൗജന്യ സകുടുംബ താമസം.
പ്രതിമാസ നറുക്കെടുപ്പ്: ഒന്നാംസമ്മാനം 10 ലക്ഷംരൂപ. രണ്ടാംസമ്മാനം രണ്ടുലക്ഷംവീതം അഞ്ചുപേർക്ക്. മൂന്നാംസമ്മാനം ഒരുലക്ഷം രൂപവീതം അഞ്ചുപേർക്ക്.
ബമ്പർ സമ്മാനം 25 ലക്ഷംരൂപ
